2025 жылғы 14-16 қазанда Алматы қаласында 20-дан астам елден 150-ден астам сарапшының қатысуымен «Future Challenges of Biosafety and Biosecurity» халықаралық конференциясы өтті. Конференцияны халықаралық ынтымақтастық жөніндегі Герман қоғамының (GIZ), Сыртқы істер министрлігінің және Қазақстан Республикасы Денсаулық сақтау министрлігінің қолдауымен Халықаралық ғылыми-техникалық орталық (ХҒТО) және Орталық Азия мен Кавказдың биоқауіпсіздік жөніндегі қауымдастығы (BACAC) ұйымдастырды. Институт атынан аталған іс-шараға
О.В. Червякова – бас директордың ғылым және коммерцияландыру жөніндегі орынбасары; С.О. Садикалиева – бас ғылыми хатшы; Д.Р. Таболдиев – биологиялық және санитарлық қауіпсіздік бөлімінің басшысы; Сырым Н. С. – бас ғылыми қызметкер қатысты.
Үш күн бойы баяндамалармен, пікірталас панельдерімен және семинарлармен қатысушылар ғылымның, технологияның және қауіпсіздіктің қарқынды дамып келе жатқан өзара әрекеттесуін зерттеді.
Жобаның аяқталуына байланысты биоқауіпсіздік бойынша Германдық бағдарлама жұмысының қорытындысы шығарылды. Бағдарламаны іске асыру барысында Қазақстан Республикасының биологиялық қауіпсіздігін нығайтуға бағытталған көптеген бастамалар орындалды. GIZ биоқауіпсіздік және патогендердің таралуын болдырмау саласындағы құзыреттерін дамыта отырып, халықаралық стандарттарды енгізуді және жас ғалымдарды қолдауды белсенді түрде алға тартты. Бірлескен жұмысқа қатысқан Институт Қазақстанның биологиялық қауіпсіздігін қамтамасыз етуге қосқан елеулі үлесі үшін алғыс хатпен марапатталды.
