 |
ЖҮГІНІСОВ ҚУАНДЫҚ ДӘУЛЕТБАЙҰЛЫ Ветеринариялық биотехнология және вирусология саласының, профилактикалық препараттарды әзірлеу мен өндіру технологиясының маманы. 100-ден астам ғылыми еңбектің авторы, оның ішінде ветеринария және медицина саласы бойынша бірінші квартильге кіретін шетелдік рейтингтік журналдарда жарияланған 6 мақаласы бар. Бір монографияның тең авторы, 15 өнертабысқа авторлық куәлігі бар. 2017 жылы ҚР БҒМ Құрмет грамотасымен марапатталған. 2018–2021 жылдары БҚПҒЗИ жас ғылыми қызметкерлері арасында өткен «Белсенді ғылыми қызмет» конкурсының жеңімпазы (I орын) атанды. 2020 жылы ҚР Президентінің Жарлығымен «Халық алғысы» медалімен марапатталды. 2023 жылы «Денсаулық сақтау ісінің үздігі» төсбелгісімен марапатталып, ҚР БҒМ «Үздік ғылыми қызметкер» конкурсының жеңімпазы атанды. 2025 жылы ҚР Президентінің Жарлығымен «Құрмет» орденімен наградталды. 2026 жылы мемлекеттік ғылыми стипендияның иегері атанды. Біліктілігін арттырып, халықаралық ғылыми іс-шараларға қатысқан: |
 |
ОЛЬГА ВИКТОРОВНА ЧЕРВЯКОВА Бас директордың ғылым және коммерцияландыру жөніндегі орынбасары, биология ғылымдарының кандидаты, профессор. О.В. Червякова молекулалық биология, гендік инженерия, сондай-ақ ветеринарлық микология және вирусология саласындағы маман. Қызметі барысында адамның, жануарлар мен құстардың аса қауіпті ауруларын балау және алдын алудың құралдары мен әдістерін әзірлеуге, олардың қоздырғыштарының геномдарын зерттеуге арналған республикалық және халықаралық ғылыми-техникалық бағдарламаларды/жобаларды іске асыруға елеулі үлес қосты. COVID-19 коронавирустық инфекциясына қарсы қазақстандық вакциналарды, оның ішінде QazCovid-in инактивтелген вакцинасын (QazVac) әзірлеуші болып табылады. О.В. Червякованың бірлескен авторлықта 150-ден астам ғылыми еңбегі, оның ішінде Clarivate Analytics компаниясының Journal Citation Reports деректері бойынша 1-4 квартилге кіретін немесе Scopus дерекқорында CiteScore 14-тен 95-ке дейінгі процентилі бар, Clarivate Analytics (Web of Science) және Scopus компанияларының дерекқорларында индекстелетін халықаралық рецензияланатын ғылыми журналдарда 23 жарияланымы жарияланған. 2012 жылы О.В. Червякова «А/H1N1 пандемиялық тұмауына қарсы алғашқы отандық вакцинаны дайындау технологиясын әзірлеу, клиникаға дейінгі, клиникалық сынақтар және тіркеу» жұмысы үшін Қазақстан Республикасының Тұңғыш Президенті – Елбасы Қорының ғылым және техника саласындағы сыйлығының лауреаты атанды. Қазақстан Республикасының ғылымын дамытуға қосқан үлесі үшін О.В. Червякова «Қазақстан Республикасының ғылымын дамытуға сіңірген еңбегі үшін» төсбелгісімен (2017 ж.) және «Халық алғысы» медалімен (2020 ж.) марапатталған; «Құрмет» орденінің иегері (2021 ж.) |
 |
НҰРАБАЕВ СЕРҒАЗЫ ШУРАТБАЙҰЛЫ Бас директордың өндірістік қызмет жөніндегі орынбасары Биология мамандығы бойынша PhD-доктор. Эпизоотология, вирусология, микробиология, серология, биотехнология және диагностикалық биопрепараттар өндірісін ұйымдастыру саласындағы маман. 24 патенттің, өнертабыстарға авторлық куәліктердің, сондай-ақ 80 мақала мен рефераттың авторы. Бірлескен авторлықта зертханалық тест-жүйелерге арналған нормативтік-техникалық құжаттаманың 18 жиынтығын әзірледі. |
 |
САДИКАЛИЕВА САНДУҒАШ ОРАЗБЕКҚЫЗЫ 2023 жылдың наурыз айынан бастап «Биологиялық қауіпсіздік мәселелері ғылыми-зерттеу институты» ЖШС бас ғылыми хатшысының міндетін атқарушы болып тағайындалды. Ол молекулалық биология және гендік инженерия саласындағы маман. Жануарлар мен адамдардың ауруларын диагностикалауға арналған диагностикалық препараттарды әзірлеуде тәжірибесі бар. 2022 жылы «Қазақстан Республикасының Денсаулық сақтау ісінің Үздігі» төсбелгісімен марапатталды. 60-тан астам ғылыми жарияланымдардың, оның ішінде өнертабысқа патенттердің және диагностикалық препараттарды өндіру жөніндегі нормативтік-техникалық құжаттардың авторы.
|