Басшылық – biosafety.kz

КЕРІМБАЕВ АСЛАН АМАНГЕЛДІҰЛЫ

Биологиялық қауіпсіздік проблемаларының ғылыми-зерттеу институтының бас директоры

«Халық алғысы» медалімен, 2020 ж., Білім және ғылым министрлігінің Құрмет грамотасымен, 2019 ж. марапатталған.

Вирусология, диагностика, сонымен қатар қауіпті және аса қауіпті вирустық аурулардың спецификалық профилактикасы саласындағы жетекші маман.

Қауіпті және аса қауіпті індеттерге қарсы вакциналарды өндіруде үлкен тәжірибесі бар.

2007 және 2008 жылдары Бүкілресейлік жануарларды қорғау ғылыми-зерттеу институтында (Владимир қ., Ресей) және 2017 жылы құстар ауруларын зерттеу орталығында (Атланта, АҚШ) біліктілігін арттыру тағылымдамаларынан өткен.

70-тен астам ғылыми жарияланымның, 16 өнертабыс патентінің, профилактикалық және диагностикалық препараттарды өндіруге арналған 3 нормативтік-техникалық құжаттардың авторы.

Показать меньше

ОЛЬГА ВИКТОРОВНА ЧЕРВЯКОВА

Бас директордың ғылым және коммерцияландыру жөніндегі орынбасары, биология ғылымдарының кандидаты, профессор.

О.В. Червякова молекулалық биология, гендік инженерия, сондай-ақ ветеринарлық микология және вирусология саласындағы маман. Қызметі барысында адамның, жануарлар мен құстардың аса қауіпті ауруларын балау және алдын алудың құралдары мен әдістерін әзірлеуге, олардың қоздырғыштарының геномдарын зерттеуге арналған республикалық және халықаралық ғылыми-техникалық бағдарламаларды/жобаларды іске асыруға елеулі үлес қосты.

COVID-19 коронавирустық инфекциясына қарсы қазақстандық вакциналарды, оның ішінде QazCovid-in инактивтелген вакцинасын (QazVac) әзірлеуші болып табылады.

О.В. Червякованың бірлескен авторлықта 150-ден астам ғылыми еңбегі, оның ішінде Clarivate Analytics компаниясының Journal Citation Reports деректері бойынша 1-4 квартилге кіретін немесе Scopus дерекқорында CiteScore 14-тен 95-ке дейінгі процентилі бар, Clarivate Analytics (Web of Science) және Scopus компанияларының дерекқорларында индекстелетін халықаралық рецензияланатын ғылыми журналдарда 23 жарияланымы жарияланған. 2012 жылы О.В. Червякова «А/H1N1 пандемиялық тұмауына қарсы алғашқы отандық вакцинаны дайындау технологиясын әзірлеу, клиникаға дейінгі, клиникалық сынақтар және тіркеу» жұмысы үшін Қазақстан Республикасының Тұңғыш Президенті – Елбасы Қорының ғылым және техника саласындағы сыйлығының лауреаты атанды. Қазақстан Республикасының ғылымын дамытуға қосқан үлесі үшін О.В. Червякова «Қазақстан Республикасының ғылымын дамытуға сіңірген еңбегі үшін» төсбелгісімен (2017 ж.) және «Халық алғысы» медалімен (2020 ж.) марапатталған; «Құрмет» орденінің иегері (2021 ж.)

Показать меньше

НҰРАБАЕВ СЕРҒАЗЫ ШУРАТБАЙҰЛЫ

Бас директордың өндірістік қызмет жөніндегі орынбасары

Биология мамандығы бойынша PhD-доктор. Эпизоотология, вирусология, микробиология, серология, биотехнология және диагностикалық биопрепараттар өндірісін ұйымдастыру саласындағы маман. 24 патенттің, өнертабыстарға авторлық куәліктердің, сондай-ақ 80 мақала мен рефераттың авторы. Бірлескен авторлықта зертханалық тест-жүйелерге арналған нормативтік-техникалық құжаттаманың 18 жиынтығын әзірледі.

САДИКАЛИЕВА САНДУҒАШ ОРАЗБЕКҚЫЗЫ 2023 жылдың наурыз айынан бастап ҚР ДСМ Биологиялық қауіпсіздік мәселелері ғылыми-зерттеу институты бас ғылыми хатшысының міндетін атқарушы болып тағайындалды.

Ол молекулалық биология және гендік инженерия саласындағы маман.

Жануарлар мен адамдардың ауруларын диагностикалауға арналған диагностикалық препараттарды әзірлеуде тәжірибесі бар.

2022 жылы «Қазақстан Республикасының Денсаулық сақтау ісінің Үздігі» төсбелгісімен марапатталды.

60-тан астам ғылыми жарияланымдардың, оның ішінде өнертабысқа патенттердің және диагностикалық препараттарды өндіру жөніндегі нормативтік-техникалық құжаттардың авторы.